In memoria di Ghjuvanteramu Rocchi

• Par jeanpierrepoli
• 20 mars, 2018
• Commentaires fermés sur In memoria di Ghjuvanteramu Rocchi

Si n’hè andatu Ghjuvanteramu Rocchi

Si n’hè andatu u pueta.

Si n’hè andatu l’amicu

Ma in la mimoria cumuna, quella che tu ammintai cusi bè, ò Ghjuvantè, ci ferma a fiaccula d’una puesia  più viva che mai.

Chi oramai i tò fughjidicci averanu sempre vint’anni…

Vint’anni, Inseme è per l’Eternità.

Jean Claude Calassi

Ghjuvanteramu Rocchi nous a quitté en ce mois de mars 2018.

Inlassable pédagogue au service des jeunes générations, poète et militant majeur du Riacquistu, ses textes ont été immortalisés par Canta U Populu Corsu, I Muvrini, A Filetta, Félì, I Chjami Aghjalesi…

Il repose désormais dans son village de Loreto di Casinca et l’Accademia Corsa di Nizza tient à lui rendre hommage en reproduisant ici une de ses œuvres :

Inseme

Simu ingrandati inseme

Cum’è matina è sole

Duve ch’o ci era eiu ci ere tù

Quand’hè venuta l’ora

Di diccilu l’amore

S’hè apertu lu fiore giuventù

Dumane ti ne vai

Ne trincanu e to strade

I toi l’anu decisa cusì

A nostra vita ormai

Averà stonde amare

Anch’ella e so ferite à guarì

Ùn ci ne vale pienti

Nè ricumandazioni

A luntananza tomba ogni vulè

Morenu in li silenzii

E più grandi passioni

Ùn torna che fulena u piacè

Si n’hè vistu digià

Innamurati à bastanza

Si n’hè vistu digià

Maladì a spiccanza

Ma simu sempre à tempu

Di metteci à palesu

U nostru amore tandu ingranderà

Li daranu accunsentu

À ciò ch’era difesu

Quelli chì ci anu vulsutu spiccà

Sò torna celu immensu

Quelli ochji ammachjati

I to basgi mi dicenu di sì

I ci femu sta sera

I più belli viaghji

Demu vita à u sognu natu quì

Quand’è no vultaremu

Coppiu di fughjiticci

U paese addunitu canterà

I toi cù i mei

Senza più fà caprici

Si metteranu anch’elli à festighjà

Emu da campà

Emu da campà

Emu da campà inseme

—————————————————————